أمزح معاك.. وشفيك؟؟؟ لايكون زعلت؟؟؟

(( مقلب))

القالب:ههههههههههههههااااااااااااي مقللبتك يبووووووي

المقلوب به .. لايسمع لايرى لا يتكلم لايتحرك..

القالب: هههههههههههههههههههههه أمزح معاك وشفيك لايكون زعلت ؟؟!!!

المقلوب به.. لايسمع لايرى لايتكلم لايتحرك لا((يتنفس))

القالب: يؤ وشفيك ماترد؟؟؟
علييييييينا قم قم ترى أعرف هالحركات

ويقلب المقلوب به يمنتا ويسره ولكن لاحياة لمن تنادي

القالب : اقول شكله من جده ذا
لااااااااااااااااااااااااااااااااااااااااااااااااا اا

وعظم الله أجركم في مقلوب به!!!!




أتحدى إذا فهمتوا شي من المشهد المؤثر أعلاه

كلمتني بنت عمتي قبل كم يوم وبينما نحن نحش في خلق الله مرت علينا أحد العوائل من جيرانهم كان لها من الحش نصيب
بداية السالفه.. قالت شفتي عايلة فلان ذولاك الي عندهم 5 بنات
أنا ماعرفتهم
قالت اللي لما جيتوا عندنا ذاك اليوم لما بنت خالتي فاطمه طاحت على خشتها ونزل دم من خشمها كانوا موجودن
عاد أنا بعد عناااااااء تذكرتهم
((لاتقولون عجوز وفاقده الذاكره))
السالفه قديمه يعني قبل كم سنه قابلتهم في بيت عمتي..
قلت ايييييييييييييه وشفيهم
قالت وحده منهم زواجها بشهر 8الجاي..
قلت :لاوالله طيب وش اسوي لها أرقص مثلا؟؟
كل هالمشوره عشان زواجها بشهر 8 الجاي ؟؟؟
تدرين وش اكبر مصيبه بالدنيا إن ربي يبلاك بقريب سامج مافي فكه منه..
قالت :لاااا يقولك ثنتين من خواتها جالسين يغسلون الحوش
ومدخل بيتهم رخام ويلعبون في المويه والصابون خطرت ببال وحده منهم فكره
والله ويدقون على أختهم الي جوا البيت طبعا اللي زواجها بشهر 8 ويقولون لها يامهاء تعالي للحوش الحقي شي خطير بسرررررعه تعالي ...
عاد المسيكينه جت مسرعه وهم يحطون لها المويه واللصابون عند المدخل علشان تزحلطن فيه
على أساس أنهم خفيفات دم وراعيات فله.
وتجي المسيكينه تجررري وهي تطيح ويصقع عمودها الفقري في حافة الباب
طبعا أغمى عليها من لحظتها
وجوا بيرقعونها شالوها شله زادت الكسر عندها..
وأصيبت البنت بشلل نصفي
وأخواتها وحده حاولت تنتحر والثانيه يقولون جتها حاله نفسيه معد تتكلم وطبعا خطيبها طلقها
وتدمرت حياتها بسبب مزحه ثقيله
يعني أستغرب من الناس اللي فاهمين خفة اللدم غلط
وفاهمين الفله بمعنى ثاني
وإلا يصيرون خفاف دم بالغصب على حساب حياة ناس.
لا واللي يقهر لما يجيك واحد بعد مايسوي مصايبه يقول وبكل برود وشفيك زعلت؟؟
أمزح ترى

وعلى فكره أنا كنت من الفئه الضاله المذكوره أعلاه بيوم من الأيام الله لايعيده ذاك اليوم
كنت اتصفح مجلة النادي وللقيت لقاء لسعد الحارثي وحاطين صوره له كبيره ومقربه لوجهه
أخذت المقص وأقص الصوره على شكل قناع وأفتح فتحات في العيون وأحط شطرطون والصق القناع على وجهي وكان الوقت متأخر بالليل وللبست ثوب أخوي وشماغه مع وجه سعد
الورقه جت مايله شوي من عند الخدود وطلع الخشم طوييييل قمة الرعب والعيون شيييييي
كانت زوجة اخوي بغرفتها كانوا جايين عندنا زياره
أمحق زياره ماتنساها طول عمرها
وأخوي كان بالحمام وأنتوا بكرامه الي حمسني أخوفها هي بالذات لأنها معروفه انها خوافه
لو أروح عند أختي بتقول ضفي وجهك بس
لكن رحت عند زوجة اخوي وكلي ثقه ان تعبي مابيروح هدر
وفتحت الباب وقفت بكل هدوء ماقلت بوووو ولا شي
وهي كانت تقرأ روايه طلت فيني كذا وقلبتها صراااااااااخ تصارخ بأعلى صوت
أنا في البدايه ضحكت وحسيت بالإنجاز
بس شفت البنت زودتها فكيت الوجه وقلت هي أمزح أمزح معاك
هي الو الو
وهي مستمره بالصراخ
صحيت أختي مفجوعه دخلت الغرفه وشافتها تصارخ بطريقه غريبه وتعطيها كف سكتت بعده
وقعدت تبكي واختي تضمها وتسمي عليها
جتها زي الصدمه ماقدرت تسكت لين أحد يعطيها كف
حسيت إني حقيره وصحيوا البيت كله وكل واحد يرمي كلمه (( غبيه إنتي؟؟ مجنونه بأخر الليل تخوفينها_ تبي تخفف دمها))
أول مره أحد يغلط علي وأنا ساكته لأني عارفه إني أستاهل وقتها
من بعدها حررررررررممممممت أسوي مقالب غبيه وثقيلة طينه

ووحده بمدرستي زمان ماكانت بفصللي هي علمي ودافوره بس معاهم بالفصل وحده مجنووووووونه
أشك إن عندها مخ
أصلا مدري شلون دخلت علمي
أقص إيدي إذا مهو أبوها ولا أمها جابرينها تدخل علمي
المهم مالكم بالطويله >>لاياشيخه
تعرفون حركات المبزره الي لما تخرج الأبله يتجمعون البنات عند الباب وإذا جت أبلة الحصه اللي بعدها يجرووون على كراسيهم..
كانوا متجمعين البنات عند الباب ومن ضمنهم الدافوره عاد المجنونه الي مدري شلون دخلت علمي >> كيف الشرح بس
أخذت قلم ولما جوا البنات يبون يجلسون طبعا داقين الطبلون كل وحده خايفه الأبله تشوفها عند الباب
جت اللدافوره تبي تجلس وهذيك مجهزه القلم واقف على كرسي الدافوره
وهي تجلس عالقلم بقوه
البنت جاها نزيف وتدمرت حياتها راحت المستشفى وقالوا لها بنعطيك ورقه تثبت إذا جاء أحد يخطبها أو شي ياشين شرحي بس إن شاء الله إنكم فهمتوا
هذا مزح بالله ؟؟؟؟
لوأنا مكان الدافوره والله السن بالسن والعين بالعين ليه الدنياء فوضى
يلعن جوها الي تعرفه تبي تمزح ثقيلة الطينه ذي...

أخيرا أحس إني خلصت بربرتي مع اني ما احب المواضيع الطويله بس برباره تحملوني
المهم الي ابيكم تفهمونه الي ثقيل دم لاااااااااا يحاول يخفف دمه بمقالب ومزحات ثقيله
ممكن مزحه تكلف عمر انسان..
















خلونا كلنا نتناقش بهالموضوع ..
ونذكر اشياء نعرفها ..
والسؤال هنـــآ
هل مريت بمزحه ثقيله من مين واش هيه؟؟
هل سبق أن مزحت مزحه ثقيله دفع ثمنها أحد أو تندمت إنك مزحتها؟؟



تحياتي لكم
ردوركم وتقيماتكم

آأكــبد فيه موآأقف لاكنهآأ لآ تحظرني ومشكووره جداً ع آألموضوع يعطيك آألعآأفيه

موضووع راائع يسلموووو مااننحرم